రియాద్‌: సౌదీ అరేబియా వ్యాప్తంగా 60,000 వైఫై హాట్‌ స్పాట్స్‌ని పబ్లిక్‌ లొకేషన్స్‌లో ఏర్పాటు చేయనున్నట్లు కమ్యూనికేషన్స్‌ అండ్‌ ఇన్ఫర్మేషన్‌ టెక్నాలజీ కమిషన్‌ వెల్లడించింది. ఆసుపత్రులు, మాల్స్‌, పబ్లిక్‌ పార్కులు, రెండు పవిత్ర మసీదులు వంటి వాటిల్లో ఉచితంగా వైఫై సౌకర్యం కల్పిస్తారు. రోజులో రెండు గంటల పాటు వినియోగదారులకు ఈ వైఫై అందుబాటులో వుంటుంది. సిఐటిసి, సంబంధిత టెలికాం ప్రొవైడర్స్‌తో కలిసి ఈ కార్యక్రమం చేపడుతోంది.