బహ్రెయిన్‌ హెల్త్‌ అథారిటీస్‌, పౌరులు అలాగే నివాసితుల్ని కాంటాక్ట్‌ ట్రేసింగ్‌ యాప్‌ ‘బి అవేర్‌’ని వినియోగించాలని సూచించడం జరుగుతోంది. తమను తాము రక్షించుకోవడంతోపాటు, తమ కుటుంబ సభ్యుల్ని రక్షించుకోవడం అలాగే కరోనా వైరస్‌ నేపథ్యంలో దేశం చేస్తోన్న ప్రయత్నాలకు తమవంతు సహాయం అందించడంలో భాగంగా ఈ యాప్‌ని వినియోగించాలని అథారిటీస్‌ కోరుతున్నాయి. ఈ యాప్‌ ద్వారా ‘కాంటాక్ట్‌ ట్రేసింగ్‌’ చాలా సులభతరమవుతుంది. ఎప్పటికప్పుడు కోవిడ్‌ 19కి సంబంధించిన అప్‌డేట్స్‌ ఇందులో లభ్యమవుతాయి. యాక్టివ్‌ కేసులు ఎక్కడ ఎక్కువగా వున్నాయి అనే విషయాన్ని తెలియజేస్తుంది ఈ యాప్‌. మినిస్ట్రీ ఆఫ్‌ హెల్త్‌ సంబంధిత సమాచారాన్ని ఇందులో పొందుపర్చడం జరుగుతుంది. కాంటాక్ట్‌ ట్రేసింగ్‌ కేసుల్ని గుర్తించి, ఆయా వ్యక్తుల్ని అప్రమత్తం చేస్తుంది. పౌరులు అలాగే నివాసితుల వ్యక్తిగత సమాచార గోప్యతను ఈ యాప్‌ కాపాడుతుంది. ఆండ్రాయిడ్‌ అలాగే ఐఓఎస్‌ వేదికలపై ఈ యాప్‌ ఉచితంగానే అందుబాటులో వుంది.