కువైట్: కువైట్ లో కరోనా మళ్లీ తీవ్రమవుతోంది. 24 గంటల వ్యవధిలోనే దేశవ్యాప్తంగా కొత్తగా 556 కరోనా కేసులు నమోదయ్యాయి. దీంతో ఇప్పటివరకు నమోదైన కోవిడ్ కేసుల సంఖ్య 1,37,885కి పెరిగింది. అటు కోవిడ్ కారణంగా మృతి చెందిన వారి సంఖ్య కూడా 848కి పెరిగింది. 24 గంటల వ్యవధిలో మరో ఆరుగురు వైరస్ కు బలయ్యారు. అయితే..కరోనా కేసులతో పాటు రికవరి అవుతున్న వారి సంఖ్య కూడా పెరుగుతోంది. 24 గంటల వ్యవధిలో 627 మంది వైరస్ నుంచి కోలుకోగా...ఇప్పటివరకు 1,29,041 మంది రికవరి అయినట్లు అధికారులు వెల్లడించారు. ప్రస్తుతం 7,996 మంది పేషెంట్లు ఆస్పత్రుల్లో చికిత్స పొందుతున్నట్లు తెలిపారు.