మేడారం జాతర సందర్శనకు భక్తుల సౌకర్యార్థం ప్రభుత్వం హెలికాప్టర్ సేవలకు అనుమతి ఇచ్చింది. ఈ సేవలు నేడు, రేపు అందుబాటులో ఉండనున్నాయి. హైదరాబాద్-మేడారం, వరంగల్-మేడారం వరకు హెలికాప్టర్ సేవలు. వరంగల్ నుంచి మేడారం ఒకరు వెళ్లి రావడానికి ఖర్చు రూ. 26,500. అదే హైదరాబాద్ నుంచి మేడారంకు నలుగురికి ప్యాకేజీ ధర రూ. 2,75,000గా ఉంది. అదేవిధంగా సమ్మక-సారలమ్మ జాతరకు వెళ్లే భక్తులకు ఎలాంటి ఇబ్బందులు కలగకుండా ఆర్టీసీ ప్రత్యేక ఏర్పాట్లు చేసింది. జాతర సందర్భంగా ఆర్టీసీ 4 వేల బస్సులు నడుపుతుంది. రాష్ట్రవ్యాప్తంగా 51 ప్రాంతాల ద్వారా 11 వేల మంది సిబ్బంది సేవలు అందిస్తున్నారు. ప్రత్యేక బస్సుల్లో 50 శాతం అదనంగా ఛార్జీలు వసూలు చేస్తున్నారు.తెలంగాణ, ఆంధ్రప్రదేశ్, మహారాష్ట్ర, ఛత్తీస్‌గఢ్, ఒడిశా సహా పలు రాష్ర్టాల నుంచి నుంచి పెద్దఎత్తున భక్తులు తరలివస్తున్నారు. కోటిన్నర మంది భక్తులు వస్తారన్న అంచనాతో అధికారుల ఏర్పాట్లు చేశారు. దాదాపు వెయ్యి ఎకరాల్లో 27 చోట్ల ప్రైవేటు వాహనాల పార్కింగ్‌కు ఏర్పాటు. భక్తులకు వన ప్రసాదంగా ప్రభుత్వం 10 లక్షల మొక్కలు పంపిణీ చేస్తుంది. 7 కేంద్రాల ద్వారా రూ. 5 చొప్పున భక్తులకు మొక్కల పంపిణీ. భక్తులు మేడారం చుట్టూ 8 కిలోమీటర్ల పరిధిలో తాత్కాలిక ఆవాసాలు వేసుకుంటున్నారు.