అబుదాబీ ఎడ్యుకేషన్‌ కౌన్సిల్‌ (ఎడిఇసి), ఎమిరేటి స్టూడెంట్స్‌ కోసం అబుదాబీ పబ్లిక్‌ స్కూల్స్‌లో ఎన్‌రోల్‌మెంట్‌ ప్రారంభ తేదీని ప్రకటించింది. ఆదివారం అనగా ఫిబ్రవరి 21 నుంచి మార్చ్‌ 17 వరకు ఈ ఎన్‌రోల్‌మెంట్‌కి అవకాశం ఉంది. నాన్‌ ఎమిరేటీ స్టూడెంట్స్‌కోసం రిజిస్ట్రేషన్‌ పీరియడ్‌ని 13 మార్చ్‌ నుండి 17 మార్చ్‌ దాకా నిర్ణయించడం జరిగింది. ఎగ్జిక్యూటివ్‌ డైరెక్టర్‌ ఆఫ్‌ స్కూల్‌ ఆపరేషన్స్‌ మహమ్మద్‌ సలీమ్‌ అల్‌ దామెరి మాట్లాడుతూ, ఎడిఇసి ఎలక్ట్రానిక్‌ పద్ధతి ద్వారా ఎన్‌రోల్‌మెంట్‌ ప్రక్రియను చేపట్టిందని అన్నారు. తల్లిదండ్రులు తమ పిల్లల 'స్టూడెంట్స్‌ ఎమిరేట్‌ ఐడి' ద్వారా రిజిస్టర్‌ చేసుకుని, స్కూల్స్‌ని విజిట్‌ చేయాల్సి ఉంటుంది. కిండర్‌గార్టెన్‌ కోసం ఎన్‌రోల్‌ చేసుకునే విద్యార్థులు 31 డిసెంబర్‌ 2016 నాటికి నాలుగు సంవత్సరాల కన్నా తక్కువ వయసుండాలి. గ్రేడ్‌ 1 కోసం ఆరు నుంచి ఎనిమిదేళ్ళ వయసుండాలి. తరగతి కెపాసిటీ (అప్రూవ్‌డ్‌పై ఎడిఇసి) మరియు జియోగ్రాఫికల్‌ ఏరియాస్‌ని బట్టి రిజిస్ట్రేషన్‌ ప్రాసెస్‌ జరుగుతుంది. ఎడిఇసి వెబ్‌సైట్‌ని సందర్శించి పూర్తి వివరాలు తెలుసుకోవచ్చు.