ఒరేయ్ ! కాపలా కుక్క

- February 18, 2016 , by Maagulf

 

ప్రతీ సందులో 
నక్కలనీ.. ఉరేగిస్తూ 
పందుల సందడి  పండగవుతుంటే 


గద్దలే
విశాల గగనంలో 
విశ్వ మానవతా సుక్కలవుతుంటే

 

ఛల్  భే ఛల్ ఎవడు చెప్పాడ్రా నీకు !
దేశమంటే జాతి గౌరవమని 
అమ్మలాంటి ఆత్మ గౌరవమని

దేశమంటే మట్టేరా 
దేశమంటే మనుషులేరా

అవసరమైనప్పుడల్లా 
ప్రతీ ‘వాదాన్నీ’ వేదంలా చెప్పుకొని బతకాల్రా 


ఒరేయ్ ! కాపలా కుక్క 
నాలాగే నీకు అమ్మ నాన్నా 
నాలాగే నీకు అన్నా తమ్ముడు 
నాలాగే నీకు అక్కా చెల్లెలు 
నాలాగే నీకు పెండ్లాం పిల్లలు 
లేనందుకేనా వట్టి మట్టిని ప్రేమిస్తున్నావ్

 

సరిహద్దుల్లో నీకేం పని 
పీనుగై ఏనుగులా ఊరేగే కోరికేగా

 

~ పారువెల్ల ~

Click/tap here to subscribe to MAAGULF news alerts on Telegram
   

తాజా వార్తలు

- మరిన్ని వార్తలు

Copyrights 2015 | MaaGulf.com