బహెరిన్ లో  బాలలకు ఇచ్చే నోటి మందు  " ఆడ్విల్ "  సిరప్ ఒకటో తరగతి మందుల తయారీలో లోపం ఏర్పడింది. దీని కారణంగా ఆ మందును కొనరాదని ఇప్పటికే వాడుతున్న తల్లితండ్రులు ఇకపై తక్షణమే నిలిపివేయాలని జాతీయ ఆరోగ్య నియంత్రణ సంస్థ ( నేషనల్ హెల్త్ రెగ్యులేటరీ అథారిటీ ) హెచ్చరించింది. అదేవిధంగా మందుల దుకాణంలో       " ఆడ్విల్ " నోటిమందును అమ్మరాదని సూచింది. అమెరికాకు చెందిన ' ప్ఫీఫెర్ ' మందుల ఉత్పత్తి సంస్థ ఈ మందును తయారుచేసిందని, దీనిని ఆ కంపినీ గల్ఫ్ దేశాల సమాఖ్య తో పాటు బహెరిన్ కు సైతం పంపిణీ చేసింది. అమెరికా లోనే ఈ మందులో లోపాలు గుర్తించి సరఫరా కాబడిన ఆ మందులను వెనిక్కి పంపించాల్సిందిగా ఎగుమతి చెయబడిన దేశాలకు సమాచారం ఇవ్వడంతో ఈ " ఆడ్విల్ " నోటి మందు విషయం వెలుగులోనికి వచ్చింది. ఈ మందు తయారీలో ఏర్పడిన పొరబాటు వల్ల ఈ సిరప్ లో రసాయనిక చర్య ఏర్పడి చిన్నారుల ఆరోగ్యంకు ముప్పు కల్గించే ప్రమాదం ఉందని  బహెరిన్ జాతీయ ఆరోగ్య నియంత్రణ సంస్థ ఒక ప్రకటనలో తెలిపింది.