విదేశీయుల్ని పెళ్ళి చేసుకునే బహ్రెయినీ మహిళలు, తమ పిల్లలకు బహ్రెయినీ పౌరసత్వం కల్పించుకునేందుకు వీలుగా కొత్త చట్టాన్ని తీసుకురానున్నారు. పార్లమెంటులోని విమెన్‌ అండ్‌ చైల్డ్‌ కమిటీ ఛైర్‌పర్సన్‌, ఎంపీ రౌవా అల్‌ హయాకీ మాట్లాడుతూ, దీనికి సంబంధించిన చట్టం రూపకల్పన దశలో ఉందని చెప్పారు. పార్లమెంటులో జరిగిన బహ్రెయిన్‌ విమెన్స్‌ యూనియన్‌తో ప్రత్యేక సమావేశం అనంతరం ఈ వ్యాఖ్యలు చేశారామె. బహ్రెయిన్‌ తల్లికి లేదా, బహ్రెయిన్‌ తండ్రికి బహ్రెయిన్‌లో లేదా ఇతర దేశంలో జన్మించిన బిడ్డకు బహ్రెయిన్‌ నేషనాలిటీ పొందే అవకాశం అతి త్వరలో రానుంది. మూడు నెలల్లో ఈ చట్టం అమల్లోకి వచ్చే అవకాశముందని ఆమె చెప్పారు. చట్టం రూపొందాక, అది అమలు తేదీ నుంచే అందుబాటులోకి వస్తుందన్నారు. అయితే, ఇంతకు ముందు కూడా ఇలాంటి జననాలకు సంబంధించి వివాదాలు ఉండటంతో, అలాంటి వివాదాలపై చర్చించి, పరిష్కారం చూపే అవకాశం కూడా ఉందన్నారు అల్‌ హాయికి.