కువైట్: మినిస్ట్రీ ఆఫ్‌ హెల్త్‌ ఉద్యోగులు, వారి కుటుంబ సభ్యులు కువైట్‌లోకి వివిధ దేశాల నుంచి డైరెక్ట్‌ విమానాల ద్వారా వచ్చేందుకు వీలుంది. నిషేధిత జాబితాలో వున్న 34 దేశాల నుంచి కూడా వచ్చేందుకు వారికి వీలు కల్పిస్తున్నారు. అయితే, అలాంటివారందరికీ చెల్లుబాటయ్యే రెసిడెన్సీ వీసా వుండాలి. ఈ విషయాన్ని డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ వెల్లడించింది. ఫస్ట్‌ డిగ్రీ రిలేటివ్స్‌ (భర్త, భార్య, సంతానం) ఈ అవకాశాన్ని సద్వినియోగం చేసుకోవాలని డిజిసిఎ పేర్కొంది. కువైట్‌ మొబైల్‌ ఐడీ అప్లికేషన్‌ అన్ని పోర్టులు అలాగే ఎయిర్‌ పోర్టుల వద్ద చెల్లుబాటవుతుంది. ప్రయాణీకులంతా హెల్త్‌ మెజర్స్‌ని పాటించాల్సి వుంటుంది.