యూఏఈ: ఓ బాలికపై పలువురు వ్యక్తులు అత్యాచారానికి పాల్పడిన ఘటనకు సంబంధించి నిందితుల్ని అరెస్ట్‌ చేయడం జరిగింది. నిందితులు అత్యాచారానికి సంబంధించిన వీడియోను సోషల్‌ మీడియాలో పోస్ట్‌ చేశారు. ఈ వీడియో ఆధారంగా నిందితుల్ని అరెస్ట్‌ చేసినట్లు అటార్నీ జనరల్‌ వెల్లడించారు. ఫెడరల్‌ ఇన్వెస్టిగేషన్‌ ఆఫీస్‌, ఈ కేసు విచారణ నిమిత్తం అత్యంత వేగవంతంగా చర్యలు తీసుకుంది. నిందితుల్ని ట్రాక్‌ చేసి, అరెస్ట్‌ వారెంట్స్‌ జారీ చేసి, వారిని కొద్ది గంటల్లోనే అరెస్ట్‌ చేశారు. అటార్నీ జనరల్‌ డాక్టర్‌ హమాద్‌ సైఫ్‌ అల్‌ షామ్సి ఈ కేసుని స్వయంగా పర్యవేక్షించారు. ఇలాంటి ఘటన యూఏఈలో చాలా అరుదైనదనీ, అత్యంత బాధాకరమైన ఘటన అనీ అటార్నీ జనరల్‌ చెప్పారు. ఎట్టి పరిస్థితుల్లోనూ నిందితుల్ని కఠినంగా శిక్షిస్తామని చెప్పారు. పిల్లల విషయంలో తల్లిదండ్రులు ప్రత్యేక జాగ్రత్తలు తీసుకోవాలని ఆయన విజ్ఞప్తి చేశారు.