కువైట్‌ సిటీ: పబ్లిక్‌ అథారిటీ ఫర్‌ మేన్‌ పవర్‌ (పిఎఎం), డిపెండెంట్‌ వీసా మీద వున్నవారికి, వర్క్‌ వీసా కోసం ట్రాన్స్‌ఫర్‌ చేసే విషయమై సరికొత్త మార్పులు చేస్తున్నారు. రెండు నెలల క్రితమే ఈ తరహా విధానానికి బ్రేక్‌ వేసిన విషయం తెలిసిందే. మానవీయ కోణంలో ఇప్పుడు మళ్ళీ ఆ ప్రక్రియలో చిన్నపాటి మార్పులు చేసి, త్వరలో అందుబాటులోకి తీసుకురానున్నారు. ఇలా వీసా మార్పు కోసం ప్రత్యేక అనుమతులు సంబంధిత అథారిటీస్‌ నుంచి తీసుకోవాల్సి వుంటుంది. డిపెండెంట్‌ వీసా నుంచి వర్క్‌ వీసా ట్రాన్స్‌ఫర్‌కి సంబంధించి ఆరు నెలలోపు వుంటే 300 కువైటీ దినార్స్‌ చెల్లించాల్సి వుంటుంది.