మనామా:తమ కింగ్డమ్ పరిధిలో ఉండే ప్రతి ఒక్క పౌరుడికి, ప్రవాసీయుడికి ఉచితంగా కోవిడ్ వ్యాక్సిన్ అందిస్తామని బహ్రెయిన్ ప్రకటించింది. వర్చువల్ మీటింగ్ ద్వారా ఈ విషయాన్ని వెల్లడించిన ప్రధానమంత్రి...ప్రతి ఒక్కరికి సురక్షితమైన వ్యాక్సిన్ అందిస్తామని వెల్లడించారు. అందుకు తగిన ఏర్పాట్లు కూడా జరుగుతున్నాయని వివరించారు. కింగ్డమ్ పరిధిలో 27 ఆరోగ్య కేంద్రాల ద్వారా వ్యాక్సిన్ అందించేలా ఇప్పటికే ప్రణాళిక సిద్ధం చేసినట్లు తెలిపారు. పద్దెనిమిదేళ్లకు పైబడిన వారికి కూడా వ్యాక్సిన్ వేయిస్తామన్నారు. అయితే..వ్యాక్సిన్ అందుబాటులోకి రాగానే తొలిగా రోజుకు 5 వేల మందికి వ్యాక్సిన్ అందిస్తామని, క్రమంగా ఆ సంఖ్యను రోజుకు 10 వేలకు పెంచుతామని వివరించారు.

--రాజేశ్వర్(మాగల్ఫ్ ప్రతినిధి,బహ్రెయిన్)