ఎమిరేట్స్‌ పోస్ట్‌ గ్రూప్‌ (ఇపిజి) 'మైహోం' సర్వీస్‌ని ప్రవేశపెడుతోంది. ఎంపిక చేయబడ్డ విల్లా కమ్యూనిటీస్‌లోని రెసిడెంట్స్‌ కోసం వ్యక్తిగత జీవో బాక్స్‌ సౌకర్యాన్ని కల్పించనుంది. దీనికోసం ఇపిజికి వినియోగదారులు అప్లికేషన్‌ పెట్టుకోవాల్సి వుంటుంది. ఇపిజి, విల్లాకి చెందిన కాంపౌండ్‌ వాల్‌ వద్ద ఇన్‌కమింగ్‌, అలాగే ఔట్‌గోయింగ్‌ కోసం ప్రత్యేకంగా మెయిల్‌ బాక్స్‌లను ఏర్పాటు చేస్తుంది. పోస్ట్‌ మ్యాన్‌, ప్రతి రోజూ లేదా వారంలో మూడు రోజులు మెయిల్‌ బాక్స్‌ని చెక్‌ చేస్తారు. వినియోగదారుడే ఈ ఆప్షన్‌ ఎంచుకోవాల్సి ఉంటుంది. ఇపిజి చీఫ్‌ కమర్షియల్‌ ఆఫీసర్‌ ఇబ్రహీమ్‌ బిన్‌ కరమ్‌ మాట్లాడుతూ, వినియోగదారులకు ప్రీమియమ్‌ సర్వీస్‌లో భాగంగా ఈ సౌకర్యం కల్పిస్తున్నామనీ, సబ్‌స్క్రైబర్స్‌కి డైరెక్ట్‌గా మెయిల్‌ సౌకర్యం కల్పించేందుకే ఈ సర్వీస్‌ని ప్రవేశపెట్టామన్నారు. ఎంపిక చేయబడిన ప్రాంతాల్లోని నివాసితులు ఈ అవకాశాన్ని సద్వినియోగం చేసుకుంటారని ఆయన ఆశాభావం వ్యక్తం చేశారు. మైహోమ్‌ సర్వీస్‌లో ఫ్రీ ఇన్‌స్టాలేషన్‌, పిఓ బాక్స్‌ ఆన్‌లైన్‌ యాక్సెస్‌, వారంం వారం ఇషార్‌ ఎస్‌ఎంఎస్‌ నోటిఫికేషన్‌ వంటి సౌకర్యాలను కల్పిస్తున్నామని ఆయన వివరించారు. 750 దిర్హామ్‌లు వారంలో మూడు రోజుల డెలివరీ కోసం, వారంలో ఆరు రోజుల డెలివరీ కోసం 1,250 దిర్హామ్‌లు చెల్లించవలసి ఉంటుంది.