మస్కట్:ఒమన్‌లోని జబెల్‌ షామ్స్‌ వంటి ప్రాంతాల్లో ఉష్ణోగ్రతలు సబ్‌ జీరో స్థాయికి దిగిపోతున్నాయి. జబెల్‌ షామ్స్‌లో మైనస్‌ రెండు డిగ్రీల నుంచి మైనస్‌ నాలుగు డిగ్రీల సెల్సియస్‌ వరకు నమోదవుతుండడం గమనార్హం. ఈ వారమంతా ఇవే ఉష్ణోగ్రతలు అక్కడ కనిపించవచ్చు. క్రిస్‌మస్‌ అలాగే న్యూ ఇయర్‌ వీకెండ్స్‌ నేపథ్యంలో ఈ ప్రాంతాల్లో సందర్శకులు పోటెత్తుతున్నారని సంబంధిత వర్గాలు వెల్లడించాయి. సుల్తానేట్‌ వ్యాప్తంగా అన్ని చోట్లా ఉష్ణోగ్రతలు తగ్గాయి. అత్యధిక ఉష్ణోగ్రత 25 డిగ్రీల వరకు నమోదు కాగా, క్యాపిటల్‌ అలాగే సమీపంలోని ప్రాంతాల్లో అత్యల్పంగా 15 డిగ్రీల సెల్సియస్‌ ఉష్ణోగ్రతలు నమోదవుతున్నాయి.