మస్కట్‌: దేశంలో మరోమారు లాక్‌డౌన్‌ విధించే అవకాశాల్లేవని సంబంధిత అధికార వర్గాలు వెల్లడించాయి. ప్రపంచ వ్యాప్తంగా కొన్ని దేశాల్లో కోవిడ్‌ 19 కొత్త స్ట్రెయిన్‌ వెలుగు చూస్తున్న దరిమిలా, మళ్ళీ లాక్‌డౌన్‌ గురించిన చర్చ మొదలైంది. డాక్టర్‌ అహ్మద్‌ అల్‌ సైది మాట్లాడుతూ, పరిస్థితుల్ని క్షుణ్ణంగా అధ్యయనం చేస్తున్నామనీ, సుప్రీం కమిటీ ఇప్పటివరకు తిరిగి లాక్‌డౌన్‌ విధించే విషయమై ఎలాంటి నిర్ణయం తీసుకోలేదని అన్నారు. కాగా, సుప్రీం కమిటీ.. దేశ సరిహద్దుల్ని వారం రోజులపాటు మూసివేస్తూ నిర్ణయం తీసుకుంది. మంగళవారం తెల్లవారు ఝామున 1 గంటల నుంచి ఈ మూసివేత అమల్లోకి వచ్చింది.