సౌదీ: సౌదీ సైబర్‌ క్రైమ్‌ పోలీస్‌, నలుగురు వ్యక్తుల్ని సిమ్‌ కార్డ్‌ స్కామ్‌ ఆరోపణల నేపథ్యంలో అరెస్ట్‌ చేయడం జరిగింది. ఫోర్జరీ చేసిన ఐడెంటిటీ కార్డుల ద్వారా నిందితులు సిమ్‌ కార్డ్‌ స్కామ్‌కి పాల్పడినట్లు రియాద్‌ పోలీస్‌ సహాయ అధికార ప్రతినిథి మేజర్‌ ఖాలెద్‌ అల్‌ క్రీడిస్‌ చెప్పారు. ఈ ముఠాలో ఓ సౌదీ వ్యక్తి, ఓ ఫిలిప్పినో వ్యక్తి, ఇద్దరు బంగ్లాదేశీయులు వున్నట్లు చెప్పారు. మొత్తం 322 సిమ్‌ కార్డుల్ని నిందితుల నుంచి స్వాధీనం చేసుకున్నారు. డేటా రీడర్‌ డివైజ్‌, 15 మొబైల్‌ ఫోన్లు అలాగే 13,907 సౌదీ రియాల్స్‌ని వారి నుంచి స్వాధీనం చేసుకోవడం జరిగింది. నిందితుల్ని పబ్లిక్‌ ప్రాసిక్యూషన్‌కి అప్పగించారు.