కువైట్ సిటీ:కరోనా వ్యాక్సిన్‌పై పోరాటంలో భాగంగా అందుబాటులోకి వచ్చిన ఫైజర్‌ వ్యాక్సిన్‌ కోసం డిమాండ్‌ పెరుగుతోంది. తాజా గణాంకాల్ని బట్టి 95,500 మంది ఇప్పటిదాకా కరోనా వ్యాక్సిన్‌ కోసం రిజిస్టర్‌ చేసుకున్నారు. ఈ సంఖ్య వచ్చేవారం నాటికి 100,000 దాటే అవకాశం వుందని సంబంధిత వర్గాలు వెల్లడించాయి. ప్రైమ్‌ మినిస్టర్‌ షేక్‌ సబాహ్‌ అల్‌ ఖాలెద్‌ తొలి వ్యాక్సిన్‌ని గురువారం అందుకున్న విషయం విదితమే. పలువురు మంత్రులు, గవర్నమెంట్‌ అధికారులు గురువారం వ్యాక్సిన్లను అందుకున్నారు. సాధారణ ప్రజలకు ఆదివారం నుంచి వ్యాక్సినేషన్‌ కార్యక్రమం జరుగుతుంది. ముందుగా మెడికల్‌ పర్సనల్‌కి వ్యాక్సిన్‌ ఇస్తారు. పౌరులు, నివాసితులు.. అందరూ వ్యాక్సిన్‌ తీసుకోవాలని మినిస్టర్‌ ఆఫ్‌ హెల్త్‌ డాక్టర్‌ బాసిల్‌ అల్‌ సబా సూచించారు.