రియాద్: ఐదుగురు వలస మహిళల్ని అధికారులు అరెస్ట్‌ చేశారు. సౌదీ మహిళలకు మాత్రమే కేటాయించబడిన ఉద్యోగాల్లో విధులు నిర్వహిస్తున్నందుకు వీరిని అరెస్ట్‌ చేయడం జరిగింది. రియాద్‌లోని సౌదీ మినిస్ట్రీ ఆఫ్‌ హ్యూమన్‌ రిసోర్సెస్‌ అండ్‌ సోషల్‌ డెవలప్‌మెంట్‌ వెల్లడించిన వివరాల ప్రకారం మినిస్ట్రీకి చెందిన ఇన్‌స్పెక్టర్స్‌ నిర్వహించిన తనిఖీల్లో ఈ ఉల్లంఘనల్ని గుర్తించినట్లు తెలుస్తోంది. మొత్తం 67 ఉల్లంఘనలు 500 ఫీల్డ్‌ ఇన్‌స్పెక్షన్స్‌లో గుర్తించారు. ఐదుగురు వలస మహిళల్ని ఈ సందర్భంగా అరెస్ట్‌ చేశారు. అరెస్టయినవారిలో ఓ మహిళ పేరుతో హెల్త్‌ సర్టిఫికెట్‌ పొందినట్లు గుర్తించారు.