నగరంలోని శివాజీ పార్క్‌లో ఆదివారం సిటీవైడ్‌ పవన్ ఫ్యాన్స్ అసోసియేషన్ ఆధ్వర్యంలో ఆత్మీయసభ సమావేశం జరిగింది. సుమారు 6 గంటలకు పైగా ఈ సమావేశం కొనసాగింది. జిల్లావ్యాప్తంగా ముందుగా రిజిస్ట్రేషన్లు చేసుకున్న 300 మందికి పైగా పవన్ అభిమానులు ఈ సభకు హాజరయ్యారు. జనసేనపార్టీ కార్యకలాపాలపై విస్తృతంగా చర్చ జరిగినట్లు తెలుస్తోంది. బాక్సైట్ తవ్వకాలు, పటాన్‌కోట్ దాడి, రోహిత్ ఆత్మహత్య, జేఎన్‌యూలో విద్యార్థుల పోరాటం తదితర అంశాలపై ఈ సమావేశంలో సుదీర్ఘంగా చర్చించినట్లు సమాచారం. పవన్‌కు అండగా దిగువస్థాయి నుంచి జనసేన పార్టీని బలోపేతం చేయాలని వారంతా నిర్ణయించారు. విశాఖ నగరంతో పాటు, జిల్లా వ్యాప్తంగా మార్చి 14న పార్టీ ఆవిర్భావ సభలను భారీగా నిర్వహించాలని పవన్‌ అభిమానులు నిర్ణయించారు.