మనామా:బహ్రెయిన్ వ్యాప్తంగా ఇప్పటివరకు 60 వేల మందికి కోవిడ్ 19 వ్యాక్సిన్ అందించినట్లు ఆరోగ్య శాఖ వెల్లడించింది. జనవరి 2 రాత్రి 9 గంటల సమయానికి 60,097 మంది వ్యాక్సిన్ వేయించుకున్నారని ట్విట్టర్ ద్వారా వివరించింది. ముందస్తుగా ప్రకటించిన మేరకు ప్రధాన్యత ప్రకారం ఎంపిక చేసిన వర్గాలకు వ్యాక్సిన్ వేస్తున్నట్లు వివరించింది. వ్యాక్సిన్ సమయంలో కోవిడ్ వ్యాప్తి నియంత్రణకు పాటించాల్సిన అన్ని మార్గదర్శకాలను పాటిస్తున్నట్లు వెల్లడించింది.