హైదరాబాద్:అక్కినేని సమంత ప్రముఖ ఓటీటీ ‘ఆహా’ వేదికగా ‘సామ్‌జామ్‌.. సమంత’ షోతో ప్రేక్షకులను అలరిస్తుంది. ఈ షోలో సినీ ప్రముఖులతో ఆమె సరదాగా సంభాషిస్తున్నారు. చిరంజీవి, అల్లు అర్జున్‌, రానా, విజయ్‌ దేవరకొండ, తమన్నా, రకుల్ ప్రీత్ సింగ్ సహా పలువురు తెలుగు సెలబ్రిటీలను ఆమె ఇంటర్వ్యూలు చేస్తూ ఆకట్టుకుంది. 

తాజాగా ‘సామ్‌జామ్‌’ కార్యక్రమానికి నాగచైతన్య అతిథిగా విచ్చేశారు. కాగా నాగచైతన్య రావడం షోపై ఆసక్తి పెంచుతోంది. ప్రముఖ సెలబ్రిటీ జోడీగా పేరొందిన ‘చైసామ్‌’ చేసే సందడి ప్రేక్షకులను కచ్చితంగా అలరించనుంది. ఈ మేరకు ‘ఆహా’ తన ట్విటర్‌లో షోకు సంబంధించి వీరిద్దరి ఫొటోలు ఉంచి ‘చైసామ్‌’ కెమెస్ట్రీ చూడడానికి సిద్ధంగా ఉండండి అంటూ పోస్ట్‌ చేశారు.