కువైట్ సిటీ:కరోనా వైరస్ వ్యాప్తిని అడ్డుకునే క్రమంలో కొద్ది నెలలుగా కొన్ని దేశాలకు చెందిన విమాన సర్వీసులపై నిషేధం అమలు చేస్తున్న సంగతి తెలిసిందే. అయితే, ఆయా దేశాల నుంచి పరిమిత స్థాయిలో విమానాల్ని తమ పౌరుల కోసం, వారి ఫస్ట్ రిలేషన్ అలాగే డొమెస్టిక్ వర్కర్స్ కోసం నడపాలని కువైట్ భావిస్తున్నట్లు తెలుస్తోంది. ఈ విమానాల్ని కువైట్ ఎయిర్ వేస్ నడపనుంది. ఆయా దేశాల్లో చిక్కకుపోయిన కువైటీలు రిజర్వేషన్ చేసుకునేలా వారికి సమాచారం కూడా అందించనున్నట్లు తెలుస్తోంది. హై రిస్క్ దేశాలకు చెందిన విమానాల్ని ఆగస్ట్ నుంచి బ్యాన్ చేసింది కువైట్.