హైదరాబాద్:డాషింగ్ డైరెక్టర్ పూరీ జగన్నాథ్ దర్శకత్వంలో విజయ్ దేవరకొండ హీరోగా రూపొందుతున్న చిత్రం ‘ఫైటర్’. అన‌న్య పాండే హీరోయిన్‌గా న‌టిస్తోంది. ఈ సినిమాను తెలుగుతో పాటు హిందీలో విడుద‌ల చేయాల‌నేది ప్ర‌స్తుత ఆలోచ‌న‌గా కనిపిస్తోంది. తెలుగులో ద‌ర్శ‌క‌త్వం చేస్తున్న పూరినే ఛార్మితో క‌లిసి తెలుగులో ఈ సినిమాను నిర్మిస్తుంది. కాగా, షూటింగ్ స్టార్ట్ అయిన కొద్దీ రోజుల‌కే క‌రోనా ప్ర‌భావంతో సినిమా షూటింగ్‌ను ఆపేశారు. ఆ త‌ర్వాత ప్ర‌భుత్వం నుంచి అనుమతులు వచ్చిన ఎందుక‌నో పూరి, విజ‌య్ సినిమాను ప్రారంభించలేదు. అయితే తాజా స‌మాచారం మేర‌కు ఈ చిత్రాన్ని షూటింగ్‌ను జ‌న‌వ‌రి 20 నుండి స్టార్ట్ చేయ‌బోతున్నార‌ట‌. వీలైనంత త్వ‌ర‌గా ఇండియాలోనే షెడ్యూల్ పూర్తి చేసేలా ప్రయత్నాలు చేస్తున్నారట.