మస్కట్:పోలీస్ డే వేడుకల నేపథ్యంలో రాయల్ ఒమన్ పోలీస్ ఎలక్ట్రానిక్ డ్రైవర్ టెస్టింగ్ సిస్టమ్‌ని ప్రారంభించింది. పోలీస్ అండ్ కస్టమ్స్ ఇన్‌స్పెక్టర్ జనరల్ లెఫ్టినెంట్ జనరల్ హసన్ మొహ్‌సెన్ అల్ షురైకి ఈ సిస్టమ్‌ను ప్రారంభించారు. ట్రాఫిక్‌కి సంబంధించి మూడు ఎలక్ట్రానిక్ సర్వీసులను కూడా ఆయన ప్రారంభించడం జరిగింది. డ్రైవర్ లైసెన్సుని పొందేందుకుగాను, దరఖాస్తుదారులకు ముందస్తు పరీక్షగా దీన్ని వినియోగిస్తామని అధికారులు తెలిపారు. డ్రైవింగ్ లైసెన్స్ కోసం దరఖాస్తు చేసుకోవడనికీ, ఎలక్ట్రానిక్ విధానంలో అపాయింట్‌మెంట్ పొందడానికీ, థియరిటికల్ టెస్టులు పొందడానికీ, ఎలక్ట్రానిక్ సిములేషన్ డివైజ్ ద్వారా శిక్షణ పొందడానికీ ఈ విధానం ఉపయోగపడుతుందని అధికారులు వివరించారు.

--లెనిన్ కుమార్(మాగల్ఫ్ ప్రతినిధి,ఒమాన్)