మనామా:అంతరిక్ష రంగంలో తమకంటూ ఓ ప్రత్యేకతను చాటుకోవాలనుకుంటున్న బహ్రెయిన్ ఎట్టకేలకు తమ కలను నిజం చేసుకునే దిశగా అడుగులు వెస్తోంది. ఈ ఏడాది మూడో త్రైమాసికంలో తమ అంతరిక్ష బృందం తొలి ఉపగ్రహ ప్రయోగాన్ని చేపట్టనున్నట్లు బహ్రెయిన్ ప్రకటించింది. అంతర్జాతీయ అంతరిక్ష కేంద్రానికి తమ ఉపగ్రహాన్ని పంపించేందుకు అవసరమైన ఏర్పాట్లతో బహ్రెయిన్ అంతరిక్ష పరిశోధన కేంద్రం సిద్ధంగా ఉన్నట్లు వివరించింది. ఈ ఘనతను సాధించే దిశగా అవిశ్రామంగా కష్టపడిన బహ్రెయిన్ స్పేస్ సైన్స్ బృందం ప్రయత్నాలపై బహ్రెయిన్ ఉన్నతాధికారులు ప్రశంసల వర్షం కురిపించారు. అంతరిక్ష ప్రయోగాల్లో తమ లక్ష్యాన్నిఅందుకునేందుకు యూఏఈ అందించిన సహకారం మరువలేనిదని అన్నారు.