కావలసిన పదార్థాలు: పచ్చిబఠాణి - ముప్పావు కప్పు, ఉల్లి తరుగు - పావు కప్పు, వెల్లుల్లి తరుగు - 1 టీ స్పూను, నూనె - 1 టీ స్పూను, ఉప్పు, మిరియాల పొడి - రుచికి తగినంత, పుదీనా తరుగు - 1 టేబుల్‌ స్పూను, క్యారెట్‌ తరుగు - 1 టేబుల్‌ స్పూను.
తయారుచేసే విధానం: ఉల్లి, వెల్లుల్లి తరుగును నూనెలో వేగించాలి. తర్వాత పచ్చిబఠాణితో పాటు రెండు కప్పుల నీరు, ఉప్పు కలిపి మరిగించాలి. బఠాణి మెత్తబడ్డాక దించేయాలి. చల్లారిన తర్వాత మిక్సీలో పేస్టులా చేసుకుని మరోసారి స్టౌవ్‌పై పెట్టి ఉప్పు, మిరియాలపొడి కలిపి కొద్దిసేపు మరిగించి దించేయాలి. తాగేమందు పుదీనా, క్యారెట్‌ తురుముతో అలంకరించుకోవాలి.