ఖతార్ తో స్నేహ పూర్వక వాతావరణం కోరుకుంటున్న యూఏఈ ఇటీవలి కాలంలో కొన్ని కీలక నిర్ణయాలు తీసుకుంటున్న విషయం తెలిసిందే. ఖతార్ నుంచి భూ, వాయు, జల సరిహద్దు రవాణాకు గ్రీన్ సిగ్నల్ ఇచ్చిన యూఏఈ ఇప్పుడు...ఖతార్ నుంచి వచ్చే ప్రయాణికులకు క్వారంటైన్ నిబంధనల నుంచి కూడా మినహాయింపు ఇచ్చింది. యూఏఈ రాజధాని అబుధాబి ప్రకటించిన గ్రీన్ లిస్ట్ జాబితాలో ఖతార్ ను కూడా చేర్చింది. దీంతో ఖతార్ నుంచే ప్రయాణికులు ఎవరూ ఇకపై 10 రోజుల పాటు క్వారంటైన్ లో ఉండాల్సిన అవసరం లేదు. అయితే..ముందస్తు జాగ్రత్తల్లో భాగంగా పీసీఆర్ నెగటివ్ రిపోర్ట్ మాత్రం వెంట తెచ్చుకోవాల్సి ఉంటుంది. కొత్త అప్ డేట్ లిస్ట్ ప్రకారం బ్రూనై, చైనా, హాంగ్ కొంగ, ఇస్లే ఆఫ్ మ్యాన్, కువైట్, మకావో, మౌరిషియస్, మొంగోలియా, కొత్త కాలెడోనియా, న్యూజిలాండ్, ఒమన్, కతార్, సావో టోమ్ మరియు ప్రిన్సిపీ, సౌదీ అరేబియా, స్టట్ కిట్స్- నెవిస్, తైపీ, థాయ్ దేశాల నుంచి వచ్చే వారు క్వారంటైన్ నిబంధనలు వర్తించవు.