హైదరాబాద్:యంగ్ అండ్ డైనమిక్ హీరోలలో రాం పోతినేని ఒకడు. తన తొలి చిత్రం దేవదాసుతోనే విజయం అందుకున్న రాం. వరుస సినిమాలు చేసి మంచి హీరోగా పేరు తెచ్చుకున్నాడు. అగ్ర హీరో కాకుపోయినా టాలెంటెడ్ హీరోగా తెలుగు చిత్ర సిమలో నిలిచాడు. రామ్, పూరీ జగన్నాథ్ కాంబోలో వచ్చిన ఇస్మార్ట్ శంకర్ సినిమాతో కెరీర్ బ్లాక్ బస్టర్ అందుకున్న రామ్ ఆ సినిమాలో ఫూల్ మాస్ పాత్రతో అందరిని ఆకట్టుకున్నాడు. అయితే ఇప్పుడు రామ్ మరో మాస్ అండ్ క్లాస్ సినిమా రెడ్‌లో నటించాడు. ఈ సినిమా గతేడాది ఏప్రిల్‌లో విడుదల కావాల్సి ఉంది. కానీ కరోనా కారణంగా ఈ సినిమా రిలీజ్ వాయిదా పడింది. ఎట్టకేలకు ఈ సినిమా ఈ ఏడాది సంక్రాంతికి ప్రేక్షకుల మందుకు రానుంది. ఈ చిత్రంలో రామ్ రెండు పాత్రలలో చేశాడు. వాటిలో ఒకటి ఊర మాస్‌గా కనపించగా మరొకటి పక్కా క్లాస్‌గా కపించాడు. రెండింటిలోనే తనదైన నటన కనబరిచిన రామ్ ఈ సినిమాపై మంచి అంచనాలను పెట్టుకున్నాడు. ఈ సినిమా కిశోర్ తిరుమల దర్శకత్వంలో తెరకెక్కింది. ఇందులో మాల్వికా శర్మా, అమ్రితా అయ్యర్‌లు హీరోయిన్‌లుగా చేశారు. పవర్ ఫుల్ పోలీస్ పాత్రలో టాలెంటెడ్ నటి నివేథా పేతురాజ్ కనిపించింది. నేడు ఈ సినిమా ప్రీ రిలీజ్ ఈ వెంట్‌ను జరుపుతున్నారు. ఈ సినిమా భారీ అంచనాలతో ప్రేక్షకుల ముందుకు వచ్చేందుకు సన్నద్దం అయింది. ప్రేక్షకుల అంచనాలను తప్పకుండా అందుకుంటామని చిత్ర టీం ధీమా వ్యక్తం చేస్తోంది.