దోహా:ప్రతి సంవత్సరం మకర సంక్రాంతి  రోజున  తెలంగాణ గల్ఫ్ సమితి ఆధ్వర్యంలో  నూతన క్యాలెండర్  ఆవిష్కరణ జరుగుతుంది.ఇట్టి 2021 క్యాలెండర్ నూతన ICBF ప్రెసిడెంట్ జాయిద్ ఉస్మాన్ మరియు కమిటీ మెంబర్ వినోద్ నాయర్ చేతుల మీదుగా  ఆవిష్కరించారు. 

అనంతరం  తెలంగాణ గల్ఫ్ సమితి  కమిటీ సభ్యులు నూతనంగా ఎన్నికైన వారికి పుష్పగుచ్ఛంతో అభినందనలు తెలిపారు.భవిష్యత్తులో  జరగబోయే కార్యక్రమాలను టీం సభ్యులకు వివరించారు.కార్యక్రమం అనంతరం మొక్కలను  ICC భవనం ముందు నాటారు.ఈ కార్యక్రమంలో  తెలంగాణ గల్ఫ్ సమితి  సభ్యులు శంకర్ గౌడ్, ప్రేమ్ కుమార్, శ్రీధర్ అబ్బాగౌని,మహేందర్,గడ్డి రాజు, రాజేష్, రాజు కింగ్, సాగర్, దీపకు పాల్గొన్నారు.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)