కువైట్ సిటీ:ఎలాంటి అనుమతులు లేకుండా అక్రమంగా మెడిసిన్ అమ్ముతున్న ఇద్దరు వ్యక్తులను అరెస్ట్ చేసినట్లు కువైట్ అంతర్గత మంత్రిత్వ శాఖ అధికారులు వెల్లడించారు. సల్మియా పోలీస్ స్టేషన్ పరిధిలో ఈ ఘటన చోటు చేసుకుంది. మెడిసిన్ అమ్మాలంటే ఫార్మసీ విద్యార్హతతో పాటు షాపు నిర్వహణకు తగిన అనుమతులు తప్పనిసరి. అయితే..అవేం లేకుండా ఫుట్ పాత్ వ్యాపారంలా బాటసారులకు ఎవో మెడిసిన్ అమ్ముతున్నట్లు తమకు సమాచారం అందిందని పోలీసులు తెలిపారు. ఇన్ఫర్మేషన్ రాగానే వెంటనే స్పాట్ కు చేరుకొని మెడిసిన్ అమ్ముతున్న వ్యక్తిని అదుపులోకి తీసుకున్నామని అన్నారు. 'లిరికా', 'నిర్ఫాక్స్' మందులను అమ్ముతున్నట్లు గుర్తించామని వెల్లడించారు. పట్టుబడిన మొదటి నిందితుడ్ని విచారించటంతో మరో వ్యక్తి కూడా తనకు భాగస్వామిగా ఉన్నట్లు నిందితుడు ఒప్పుకున్నాడని, దీంతో అతన్ని కూడా అరెస్ట్ చేశామని పోలీసులు వివరించారు.