న్యూ ఢిల్లీ: మొబైల్ ఫోన్ నేటి జీవితంలో అత్యంత అవసరమైన సాధనంగా మారింది. అయితే మొబైల్ సిమ్‌ను తీసుకునే సమయంలో తప్పుడు లేదా నకిలీ పత్రాలను ఉపయోగించడం తీవ్రమైన నేరంగా పరిగణించబడుతుంది. అలాంటి చర్యలు కేవలం నిబంధనల ఉల్లంఘనే కాదు, మోసం (ఫ్రాడ్) కిందకు కూడా వస్తాయి. అందువల్ల ఫేక్ డాక్యుమెంట్లతో సిమ్ పొందినట్లు తేలితే జరిమానాతో పాటు జైలు శిక్ష కూడా పడే అవకాశం ఉంది.

సిమ్ కార్డు జారీ సమయంలో వినియోగదారుడి గుర్తింపును ధృవీకరించడం తప్పనిసరి. ఇందు కోసం ఆధార్, పాస్‌పోర్ట్, ఓటర్ ఐడీ లేదా ఇతర చెల్లుబాటు అయ్యే గుర్తింపు పత్రాలను సమర్పించాలి. నకిలీ పత్రాలు సమర్పించడం లేదా ఇతరుల పేరుతో సిమ్ తీసుకోవడం చట్టరీత్యా శిక్షార్హమైన నేరం. ఇటువంటి సిమ్‌లను సైబర్ నేరాలు, ఆన్‌లైన్ మోసాలు, బెదిరింపులు వంటి అక్రమ కార్యకలాపాలకు వినియోగించే అవకాశం ఉండటంతో అధికారులు దీనిని అత్యంత సీరియస్‌గా పరిగణిస్తారు.

సిమ్ జారీ ప్రక్రియలో కఠినమైన ధృవీకరణ విధానాలను..

ప్రస్తుతం టెలికాం సంస్థలు, సంబంధిత ప్రభుత్వ సంస్థలు సిమ్ జారీ ప్రక్రియలో కఠినమైన ధృవీకరణ విధానాలను అమలు చేస్తున్నాయి. అనుమానాస్పద వివరాలు గుర్తిస్తే సిమ్‌ను వెంటనే రద్దు చేయడంతో పాటు సంబంధిత వ్యక్తులపై చట్టపరమైన చర్యలు తీసుకునే అవకాశం ఉంది.

కాబట్టి సిమ్ కార్డు తీసుకునే సమయంలో ఎల్లప్పుడూ నిజమైన, చెల్లుబాటు అయ్యే పత్రాలనే ఉపయోగించాలి. ఎట్టి పరిస్థితుల్లోనూ ఇతరుల డాక్యుమెంట్లు లేదా నకిలీ పత్రాలను ఉపయోగించకూడదు. చిన్న నిర్లక్ష్యం కూడా పెద్ద చట్టపరమైన సమస్యలకు దారితీయవచ్చు. చట్టాన్ని గౌరవించడం, సరైన పత్రాలతోనే సిమ్ పొందడం ప్రతి పౌరుడి బాధ్యత.