యూఏఈ:కరోనా వైరస్‌కి విరుగుడు అయిన వ్యాక్సిన్‌లలో ఒకటైన స్పుత్నిక్ వి వ్యాక్సిన్ ట్రయల్స్‌కి సంబంధించి యూఏఈ యూనివర్సిటీ మద్దతిస్తున్నట్లు అధికారిక వర్గాలు వెల్లడించాయి. ఫేజ్ 3 ట్రయల్స్ యూఏఈలో 500 మందికి పైగా వాలంటీర్లపై చేపట్టనున్నారు. తవామ్ హాస్పిటల్‌లో ఈ వ్యాక్సిన్ రెండు డోసులను వాలంటీర్లకు అందించనున్నారు. స్పుత్నిక్ వి, కరోనాపై పోరు కోసం ప్రపపంచ వ్యాప్తంగా రిజిస్టర్ అయిన తొలి వ్యాక్సిన్. రష్యాలో 40,000 మంది వాలంటీర్లు ఫేజ్ 3 ట్రయల్స్‌లో ఇప్పటికే భాగస్వాములయ్యారు. ఈ వ్యాక్సిన్ సామర్థ్యాన్ని 92 శాతంగా తేల్చారు.