కువైట్ సిటీ:కువైట్ పౌరులు, ప్రవాసీయులకు మరో వ్యాక్సిన్ అందుబాటులోకి రాబోతోంది. అక్స్ ఫర్డ్ నుంచి విడుదలైన కోవిడ్ వ్యాక్సిన్ ఆస్ట్రాజెనెకా వినియోగానికి కింగ్డమ్ ప్రభుత్వం అత్యవసర అనుమతులు ఇచ్చింది. మరికొద్ది రోజుల్లోనే ఆస్ట్రాజెనెకా తొలి బ్యాచ్ కువైట్ చేరుకుంటుందని కూడా ఆ దేశ ప్రభుత్వం స్పష్టం చేసింది. కోవిడ్ నుంచి దేశ ప్రజలను రక్షించేందుకు ఇప్పటికే ఫైజర్ బయోన్టెక్ వ్యాక్సిన్ కు అనుమతి ఇచ్చిన విషయం తెలిసిందే. అయితే..వ్యాక్సినేషన్ ప్రక్రియను మరింత వేగవంతగా సమర్ధవంతంగా నిర్వహించేందుకు వీలుగా అస్ట్రాజెనెకాను కూడా అందుబాటులోకి తీసుకొచ్చినట్లు అధికార వర్గాలు వెల్లడించాయి. 

--దివాకర్(మాగల్ఫ్ ప్రతినిధి,కువైట్)