దుబాయ్:దుబాయ్ హెల్త్ అథారిటీ (డిహెచ్ఎ), అల్ ఖవానీజ్ మరియు అల్ బదా హెల్త్ సెంటర్లను డెడికేటెడ్ కోవిడ్ 19 ట్రీట్‌మెంట్ సెంటర్లుగా వినియోగించుకోనుంది. మెడికల్ ఎపైర్స్ డిపార్టుమెంట్ డైరెక్టర్ మరియు కన్సల్టెంట్ డాక్టర్ హనాన్ అల్ హమైది ఈ విషయాన్ని వెల్లడించారు. డిహెచ్ఎ కాంటాక్టు సెంటర్ అలాగే కోవిడ్ 19 కమాండ్ కంట్రోల్ సెంటర్ రిఫర్ చేసిన పేషెంట్లకు ఈ సెంటర్లలో చికిత్స అందిస్తారు. అత్యున్నత వైద్య చికిత్సను ఈ కేంద్రాల్లో కోవిడ్ పేషెంట్లకు అందించనున్నారు. అవసరమైన టెస్టులు, ఇతరత్రా వైద్య సౌకర్యాలూ ఇక్కడ అందుబాటులో వుంటాయి. అల్ ఖవానీస్ హెల్త్ సెంటర్ తాలూకు రెగ్యులర్ పేషెంట్లను అల్ త్వార్, నాద్ అల్ హమర్ మరియు అల్ మిజార్ హెల్త్ సెంటర్లకు పంపిస్తారు. అల్ బదా హెల్త్ సెంటర్ నుంచి అల్ మన్‌ఖూల్ మరియు బర్షా హెల్త్ సెంటర్లకు ఇతర పేషెంట్లను పంపించనున్నారు.