మస్కట్:సుల్తాన్ హైతమ్ బిన్ తారిక్, దిబా - లిమ్ - కసబ్ రోడ్డుపై రాయల్ డైరెక్టివ్స్ జారీ చేశారు. ముసందం గవర్నరేట్‌లో పలు విలాయత్‌లు, గ్రామాల్ని కలిపే ఈ కీలకమైన రోడ్డు ప్రాజెక్టు పనులు వేగవంతంగా చేపట్టాలని సుల్తాన్ హైతమ్ బిన్ తారిక్ జారీ చేసిన డైరెక్టివ్స్‌లో పేర్కొన్నారు.ఈ రోడ్డు ప్రాజెక్టు ద్వారా సమీప ప్రాంతాలు ఆర్థిక అబివృద్ధికి నోచుకుంటాయని అథారిటీస్ చెబుతున్నాయి. క్లిష్ట పరిస్థితుల్లో ఒమన్ ఆర్థికాభివృద్ధి దిశగా పురోగమించడానికి అల్లా ఆశీస్సులు ఎల్లప్పుడూ వుంటాయని సుల్తాన్ హైతమ్ బిన్ తారిక్ ఆశాభావం వ్యక్తం చేశారు.