ఓ వైపు కరోనా కేసులు పెరుగుతున్నాయి. సెకండ్ వేవ్ భయం వెంటాడుతోంది. తమ ప్రజలను రక్షించుకునేందుకు కువైట్ ప్రభుత్వం అన్ని ముందస్తు జాగ్రత్త చర్యలు చేపట్టడుతోంది. చివరికి ఇళ్లలో జరిగే వేడుకలపై కూడా పరిమితి విధించింది. సమావేశాలు, జనసమీకరణలకు అస్సలు అనుమతించేది లేదని హెచ్చరించింది. కానీ, ఇవేం పట్టకుండా వార్షికోత్సవం పేరిట క్లాసిక్ కార్ లవర్స్ అంతా తమ కార్లతో సహా ఒక చోట గుమికూడారు. కువైట్ లోని క్లాసిక్ కార్ లవర్స్ ప్రతి ఏటా ఒక చోట కలుస్తూ ఉంటారు. ఈ ఏడాది కూడా అరేబియన్ గల్ఫ్ రోడ్ దగ్గర అంతా కలుసుకున్నారు. విషయం తెలుసుకున్న పోలీసులు వెంటనే అక్కడకి చేరుకొని కార్ లవర్స్ అందర్ని చెదరగొట్టి అక్కడ్నుంచి పంపించి వేశారు. కోవిడ్ ఆంక్షలు అమలులో ఉన్నందున ఎలాంటి గ్యాదరింగ్ కు అనుమతి ఇచ్చేది లేదని మరోసారి పోలీసులు హెచ్చరించారు.