యూఏఈ:ప్రపంచ వ్యాప్తంగా చాలా దేశాలు..శాస్త్ర సాంకేతి పరిజ్ఞానాభివృద్ధిపై ఫోకస్ పెడుతున్నాయి. ముఖ్యంగా అంతరిక్ష పరిశోధనలపై ఆసక్తి కనబరుస్తున్నాయి.తాజాగా యూఏఈకి చెందిన ‘హోప్’ శాటిలైట్ అంగారక గ్రహ కక్షలోకి ప్రవేశించింది. ఆ వెంటనే అంగాకరకుడి తొలి చిత్రాన్ని ఒడిసిపట్టింది.దాన్ని కాస్తా యూఏఈ అంతరిక్ష పరిశోధన కేంద్రానికి పంపించింది.

మార్స్‌పై ఉన్న భారీ అగ్ని పర్వతమైన ‘ఒలింపస్ మాన్స్’ను హోప్స్ తన కెమెరాలో బంధించిందని యూఏఈ అంతరిక్ష సంస్థ ప్రకటించింది. అంగారక గ్రహ ఉపరితలానికి 24,700 కిలోమీటర్ల ఎత్తు నుంచి హోప్ ఈ చిత్రాన్ని తీసినట్లు ఆదేశ అధికార వర్గాలు తెలిపారు. హోప్ తీసిన తొలి ఫోటోలో అంగారకుడి ఉపరితంపై ఉన్న ‘ఒలింపస్ మాన్స్’ అగ్ని పర్వతం క్షుణ్ణంగా కనిపిస్తోంది.దీనికి సంబంధించి ఆదేశాధికారులు ట్వీట్ చేశారు.