కువైట్ సిటీ:దేశంలో ప్రతిష్టాత్మకంగా చేపట్టిన వ్యాక్సిన్ ప్రక్రియ నిర్ధిష్ట ప్రణాళిక ప్రకారం వేగవంతంగా కొనసాగుతోందని కువైట్ ఆరోగ్య శాఖ వెల్లడించింది. ముందస్తుగా ప్లాన్ చేసుకున్న ప్రకారమే ఎంపిక చేసిన వర్గాలకు సకాలంలో వ్యాక్సిన్ అందించగలిగామని, ప్రజల నుంచి కూడా సానుకూల స్పందన కనిపిస్తోందన్నారు. ఇక వలస కార్మికులకు వ్యాక్సినేషన్ ప్రక్రియను ముమ్మరం చేయబోతున్నట్లు వివరించింది. అయితే..వలస కార్మికుల్లో ముందుగా డొమస్టిక్ వర్కర్ల నుంచే వ్యాక్సినేషన్ ప్రారంభిస్తామని వెల్లడించింది. వైరస్ వ్యాప్తి కారకాలుగా చెప్పుకుంటున్న వర్గాల్లో డొమస్టిక్ వర్కర్లు కూడా ఉన్నారని అందుకే వారికి తొలుత వ్యాక్సిన్ అందించాలని నిర్ణయించినట్లు వివరించింది.