యూఏఈ:ఫేక్ యూనివర్సిటీ డిగ్రీల సర్టిఫికెట్లను అరికట్టేందుకు యూఏఈ కఠిన చర్యలకు సిద్ధమవుతోంది. ఉద్యోగాలు, ఇతర ప్రయోజనాల పొందేందుకు ఎవరైనా నకిలీ యూనివర్సిటీల సర్టిఫికెట్లను సమర్పించినా..ఇతర వర్సిటీల పేరుతో నకిలీ సర్టిఫికెట్లను రూపొందించినా జరిమానా, జైలు శిక్ష ఎదుర్కొవాల్సి వస్తుందని హెచ్చరించింది.ఈ మేరకు ఫెడరల్ నేషనల్ కౌన్సిల్ ముసాయిదా చట్టాన్ని ఆమోదించింది. ఇక నుంచి ఎవరైనా నకిలీ సర్టిఫికెట్లతో అక్రమంగా ప్రయోజనం పొందెందుకు ప్రయత్నిస్తే 30,000 నుంచి ఒక మిలియన్ వరకు దిర్హామ్ ల జరిమానాతో పాటు మూడు నెలల నుంచి రెండేళ్ల వరకు జైలు శిక్ష ఎదుర్కొవాల్సి వస్తుంది. ఫెడరల్ నేషనల్ కౌన్సినల్ పాస్ చేసిన ముసాయిదా చట్టంలో బోగస్ ఎడ్యూకేషన్ సర్టిఫికెట్లను అడ్డుకునేందుకు 11 ఆర్టికల్స్ ను ప్రతిపాదించారు.విద్యాశాఖ మంత్రి ఆధ్వర్యంలో ఆమోదం పొందిన ఈ డ్రాఫ్ట్ లాను యూఏఈ ప్రెసిడెంట్ కు సమర్పించారు.ప్రెసిడెంట్ ఆమోదం తెలుపగానే బిల్లు చట్టరూపం దాల్చనుంది.