దోహా:ఎవరికైతే వ్యాక్సినేషన్ ప్రక్రియ పూర్తవుతుందో అలాంటివారికి క్వారంటైన్ నిబంధనల నుంచి మినహాయింపు లభిస్తుందని మినిస్ట్రీ ఆఫ్ పబ్లిక్ హెల్త్ పేర్కొంది. కోవిడ్ 19 పాజిటివ్ వ్యక్తులతో ఇంటరాక్ట్ అవడం, ట్రావెల్ సంబంధిత నిబంధనల నుంచి వీరికి మినహాయింపు లభిస్తుంది. రెండో డోసు కోవిడ్ వ్యాక్సిన్ తీసుకుని 14 రోజులు పూర్తి చేసుకున్నవారు కోవిడ్ 19 నెగెటివ్ సర్టిఫికెట్ తమవెంట వుంచుకుంటే, అలాంటివారికి ఆయా నిబంధనల నుంచి మినహాయింపునిస్తారు. మూడు నెలలపాటు మాత్రమే ఈ వెసులుబాటు వర్తిస్తుంది. ఇతర దేశాల్లో వ్యాక్సినేషన్ పొందినవారికి ఇది వర్తించదు.