సౌదీ:కింగ్డమ్ లోని అన్ని ప్రాంతాలకు, అన్ని వర్గాలకు వ్యాక్సిన్ అందించేందుకు అవసరమైన చర్యలను ముమ్మరం చేస్తోంది సౌదీ అరేబియా ఆరోగ్య మంత్రిత్వ శాఖ. ఇందుకోసం ఇక నుంచి ఫార్మసీల ద్వారా కూడా కోవిడ్ వ్యాక్సిన్ అందించేందుకు సిద్ధమవుతోంది. ఇందులో భాగంగా అల్-దవా ఫార్మసీతో ఆరోగ్య శాఖ ఒప్పందం కుదుర్చుకుంది. ఈ ఒప్పందం మేరకు కింగ్డమ్ వ్యాప్తంగా అల్-దవా ఫార్మసీ బ్రాంచుల్లో కోవిడ్ వ్యాక్సిన్ అందుబాటులోకి రాబోతున్నాయి. కింగ్డమ్ వ్యాక్సిన్ప పర్మిషన్ పొందిన తొలి ఫార్మసీ అల్-దవా కావటం విశేషం. ఫార్మసీ ద్వారా కింగ్డమ్ లోని పౌరులు, ప్రవాసీయులు వ్యాక్సిన్ పొందవచ్చు. అయితే..వ్యాక్సినేషన్ ఎప్పుడు ప్రారంభించేది అల్-దవా ఫార్మసీ త్వరలోనే ప్రకటించనుంది. ప్రజల ఆరోగ్య భద్రత కోసం కింగ్డమ్ ప్రభుత్వం వ్యాక్సినేషన్ను ముమ్మరం చేస్తోందని, అందుకోసం అందుబాటులో ఉన్న వనరులను వినియోగించుకుంటామని ఆరోగ్య శాఖ వెల్లడించింది. ఇదిలాఉంటే..కింగ్డమ్ లోని అన్ని ఫార్మసీల ద్వారా ఉచితంగా కోవిడ్ వ్యాక్సిన్ అందించాలన్నది ప్రభుత్వ లక్ష్యమంటూ విశ్వసనీయ వర్గాలు చెబుతున్నాయి.