పారువెల్ల || తూకపురాళ్ళు
- February 27, 2016నీకింత గౌరవమిచ్చేందుకు
నిన్ను కొలిచేందుకు
వాళ్ళు ! ఎప్పుడూ తూకపురాళ్ళు దగ్గరే ఉంచుకుంటారు
తూగనందుకు నీకేదీ పట్టదు
అయినవాళ్ళ నుండి పొందనిది
బయటివాళ్ళ నుండి నువ్వెప్పుడూ ఆశించవు
ఉరుములు మెరుపులు
ఎక్కడో ఉరిమినా
ఇంకెక్కడో మెరిసినా
వెక్కిరింపులు పల్లమునే చేరుతుంటాయి
నీ వైపుకే పారుతుంటాయి
నీతో వున్నందుకు
నీ నీడ కూడా తెలికైపోతుంటది
నీ ఇష్టాలు కష్టాలు అన్నీ వట్టివే!
బంగారు విగ్రహమున్న చోట
నీకు ప్రసాదమూ దొరక్క పోవచ్చు
కొలతలంతే ....!!
అయినా...
తూగనందుకు నువ్వెప్పుడూ బాధ పడవు
కాలమెప్పుడూ ఒకేలా ప్రవహించదని
నీకు తెలిసినందుకైనా
కాలమెప్పుడో నిన్ను కొలవకుండానే కొలిచి మొక్కుతుంది
లాభమో నష్టమో
నీకేదీ పట్టనందుకు
నీ త్రుప్తిని కొలిచే తూకపురాళ్ళను వెతికే పనిలో
అప్పుడు మళ్ళీ వాళ్ళే !!
తాజా వార్తలు
- హ్యూమన్ ట్రాఫికింగ్ గ్యాంగ్ గుట్టు రట్టు చేసిన విశాఖ పోలీసులు..
- బాంబు దాడుల పై ఈసీ సీరియస్..బాటిళ్లలో ఇక పెట్రోల్కు నో
- ఆ దేశంలోని భారతీయ విద్యార్థులందరూ ఇళ్ల నుంచి బయటకు రాకండి: కేంద్ర మంత్రి ఎస్ జైశంకర్
- ప్రొఫెసర్ వెల్చ్ కు యూఏఈ ప్రెసిడెంట్ బంపరాఫర్..!
- యూఏఈలో స్వల్ప భూకంపం
- 'అర్ధరాత్రి దొంగ'కు ఏడాది జైలు, జరిమానా
- బహ్రెయిన్ టాలెంట్ హబ్.. ఔట్రీచ్ నివేదిక వెల్లడి
- పబ్లిక్ టాయిలెట్లలో జెమ్స్ భయమా? Dh10తో పరిష్కారం..!
- దోహా ఇంటర్నేషనల్ బుక్ ఫెయిర్లో కొత్త పోటీలు
- యాదాద్రిలో ప్లాస్టిక్ పై నిషేధం..ఉత్తర్వులు జారీ