వై భవ్‌, రమ్యా నంబీశన్‌ జంటగా నటించిన అనువాద చిత్రం 'ధనా ధన్‌'. దర్శకుడు శ్రీ. శివ వై.ప్రసాద్‌, శ్రీనివాస్‌ అనంతనేని నిర్మాతలు. ఎస్‌.ఎస్‌.తమన్‌ సంగీతం అందించిన ఈ చిత్రంలోని గీతాలు హైదరాబాద్‌లో విడుదలయ్యాయి. తొలి సీడీని నటుడు నాగబాబు విడుదల చేశారు. ఆయన మాట్లాడుతూ ''తమిళంలో విజయం సాధించిన చిత్రమిది. తెలుగులోనూ అదే ఫలితం సొంతం చేసుకొంటుందని ఆకాంక్షిస్తున్నా''నన్నారు. నిర్మాతలు చెబుతూ ''డబ్బువల్ల ఓ యువకుడి జీవితంలో ఎదురైన విచిత్ర అనుభవాల నేపథ్యంలో ఈ సినిమా తెరకెక్కింది.మార్చి రెండో వారంలో విడుదల చేస్తాం'' అన్నారు. కార్యక్రమంలో బెక్కెం వేణుగోపాల్‌, తుమ్మలపల్లి రామసత్యనారాయణ, వాసు, సుధాకర్‌ నాయుడు, చేతన్‌ తదితరులు పాల్గొన్నారు.