ఖతార్: కారులో డబ్బు దాచి ఖతార్లోకి రాబోయిన వ్యక్తులను కస్టమ్స్ అధికారులు పట్టుకున్నారు. నిందితుల దగ్గరి నుంచి భారీ మొత్తంలో నగదు సీజ్ చేశారు. ఖతార్ చట్టాల ప్రకారం దేశంలోకి వచ్చేవారైనా, దేశం విడిచి వెళ్లే వారైనా 50,000 రీయాల్స్ కి పైగా నగదు ఉన్నా, బంగారు ఆభరణాలు, ఇతర వస్తువులు ఉన్నా ముందుగా డిక్లరేషన్ ఫామ్ లో స్పష్టంగా తెలియజేయాలి. కానీ, తనిఖీల్లో పట్టుబడిన నిందితులు డిక్లరేషన్ ఫామ్ లో నగదు విషయాన్ని స్పష్టం చేయలేదని అధికారులు వెల్లడించారు. ఉద్దేశపూర్వకంగానే కారులో నగదు దాచి అధికారుల కళ్లుగప్పేందుకు ప్రత్నించారని సీజర్ రిపోర్ట్ లో అధికారులు అభియోగించారు. నిందితులపై మనీలాండరింగ్, టెర్రరిజం ఫైనాన్సింగ్ చట్టాల ప్రకారం కేసు నమోదు చేశారు.