క్రౌన్‌ ప్రిన్స్‌, డిప్యూటీ సుప్రీం కమాండర్‌, ఫస్ట్‌ డిప్యూటీ ప్రైమ్‌ మినిస్టర్‌, ప్రిన్స్‌ సల్మాన్‌ హమాద్‌ అల్‌ ఖలీఫా ఈ రోజు, మక్కా రీజియన్‌ గవర్నర్మరియు రెండు హోలీ మాస్క్‌ల కస్టోడియన్‌ అడ్వయిజర్‌, ప్రిన్స్‌ ఖలీద్‌ అల్‌ ఫైసల్‌, కింగ్‌ ఫైసల్‌ జెంటర్‌ ఫర్‌ రీసెర్చ్‌ అండ్‌ ఇస్లామిక్‌ స్టడీస్‌ ఛైర్మన్‌ ప్రిన్స్‌ తుర్కి అల్‌ ఫైజల్‌ని మనామాలో కలిశారు. ఈ సందర్భంగా బహ్రెయిన్‌లోని ఓ ప్రముఖమైన రోడ్డుకి సౌదీ దివంగత ఫారిన్‌ మినిస్టర్‌ ప్రిన్స్‌ సౌద్‌ అల్‌ ఫైసల్‌ పేరు పెట్టడం పట్ల హర్షం వ్యక్తం చేశారు. కింగ్‌ హమాద్‌, ప్రిన్స్‌ సౌద్‌కి గౌరవార్ధం, బహ్రెయిన్‌కి ఇచ్చిన స్నేహహస్తానికి గుర్తింపుగా ఈ చర్య తీసుకున్నారు. ఈ సందర్భంగా బహ్రెయిన్‌, సౌదీ అరేబియా మధ్య సన్నిహిత సంబంధాలు, పరస్పర సహకారం మరింత గొప్పగా కొనసాగాలని ఇరు దేశాల ప్రముఖులు ఆకాంక్షించారు. తీవ్రవాదాన్ని అణచివేయడంలో సౌదీ అరేబియా పోషిస్తున్న పాత్రను బహ్రెయిన్‌ బృందం అభినందించింది.