రియాద్:బుక్ మై షోలో సినిమా టికెట్లను అమ్మినంత ఈజీగా ఆన్ లైన్లో వ్యాక్సిన్ స్లాట్లను అమ్ముకుంటున్నారు కొందరు కేటుగాళ్లు. వ్యాక్సిన్ తీసుకోవాలని అనుకుంటున్నారా? అయితే..ఫలానా స్లాట్ టైం మీ కోసం రెడీగా ఉంది.డబ్బు చెల్లించి స్లాట్ ను కన్ఫమ్ చేసుకోండి అంటూ యాడ్స్ ఇస్తూ అమాయకుల నుంచి డబ్బులు దండుకుంటున్నారు. దీనిపై సౌదీ అరేబియా ప్రభుత్వం ఆగ్రహం వ్యక్తం చేసింది. వ్యాక్సిన్ తీసుకోవాలనుకునే వారు మంత్రిత్వ శాఖకు చెందిన అధికారిక సెహతే యాప్ ద్వారా మాత్రమే అపాంట్మెంట్ తీసుకునేందుకు అనుమతి ఉందని వివరించింది. ప్రవైట్ కంపెనీలకుగానీ, వ్యక్తులకుగానీ ముందస్తు అపాయింట్మెంట్ బుక్ చేసే అవకావాలే లేవని వివరించింది. సోషల్ మీడియా, ఇతర మాధ్యమాల ద్వారా వచ్చే వ్యాక్సిన్ ప్రకటనలను ప్రజలు నమ్మి మోసపోవద్దని హెచ్చరించింది.