కువైట్:మినిస్ట్రీ ఆఫ్ ఎడ్యుకేషన్, 16 ఏళ్ళు ఆ పైబడిన విద్యార్థులంతా వ్యాక్సిన్ కోసం రిజిస్ట్రేషన్ చేసుకోవాలని పిలుపునిచ్చింది. స్పెషల్ అండ్ క్వాలిటీ ఎడ్యుకేషన్ అసిస్టెంట్ అండర్ సెక్రెటరీ డాక్టర్ అబ్దుల్ మొహ్‌సెన్ అల్ హువైలియా మాట్లాడుతూ, ప్రైవేటు స్కూల్స్ సిబ్బంది అలాగే 16 ఏళ్ళు పైబడిన విద్యార్థులు వ్యాక్సిన్ కోసం రిజిస్టర్ చేసుకోవాలని చెప్పారు. వ్యాక్సిన్ తీసుకోవడం ద్వారా కరోనా వైరస్ నుంచి తమ ఆరోగ్యాన్ని కాపాడుకోవడమే కాకుండా, కరోనా వైరస్ వ్యాప్తిని కూడా అరికట్టవచ్చని ఆయన సూచించారు. ఫైజర్ బయో ఎన్ టెక్ వ్యాక్సిన్ కేవలం 16 ఏళ్ళ పైబడిన వారికి మాత్రమే ఉపయోగించాల్సి వుంటుంది. ఈ కారణంగా 16 ఏళ్ళ లోపువారికి వ్యాక్సినేషన్ కుదరదు.

--దివాకర్(మాగల్ఫ్ ప్రతినిధి,కువైట్)