హైదరాబాద్:తెలంగాణలో మొన్నటి వరకు తగ్గిన కరోనా కేసులు...ఇప్పుడు  క్రమంగా పెరుగుతున్నాయి.ముఖ్యంగా హైదరాబాద్‌లో కరోనా తీవ్రత ఎక్కువగా ఉంది.తాజాగా ప్రభుత్వం విడుదల చేసిన బులెటిన్ ప్రకారం రాష్ట్రంలో కొత్తగా 403 కరోనా కేసులు నమోదయ్యాయి.దీంతో తెలంగాణలో ఇప్పటి వరకు నమోదైన మొత్తం కరోనా కేసుల సంఖ్య 3,06,742 కి చేరింది.ఇందులో 3,00,469 మంది కోలుకొని డిశ్చార్జ్ కాగా, 4,583 కేసులు యాక్టివ్ గా ఉన్నాయి.ఇక కరోనాతో రాష్ట్రంలో ఇద్దరు మృతి చెందారు.దీంతో తెలంగాణలో కరోనాతో ఇప్పటి వరకు మొత్తం 1,690 మంది మృతి చెందారు.రోజు రోజుకు కేసులు పెరుగుతున్న నేపథ్యంలో తగిన జాగ్రత్తలు తీసుకోవాలని ప్రభుత్వం అధికారులను హెచ్చరించింది.

--హరి(మాగల్ఫ్ ప్రతినిధి,తెలంగాణ)