కువైట్ సిటీ: ప్ర‌వాసీయులకు సంబంధించి కువైట్ ప్ర‌భుత్వం షాకింగ్ నిర్ణ‌యం తీసుకోనున్న‌ట్లు అధికారవ‌ర్గాల నుంచి స‌మాచారం అందుతోంది. మాన‌సికంగా దృఢంగా లేని ప్ర‌వాసీయులు, మాన‌సిక చికిత్స కేంద్రాల్లో ఫైల్ అయిన మేర‌కు డ్రైవింగ్ చేసేందుకు స‌రైన మాన‌సిక స్థితిలో లేని ప్ర‌వాసీయుల డ్రైవింగ్ లైసెన్స్ లు ర‌ద్దు చేసే అంశాన్ని కువైట్ అంతర్గ‌త మంత్రిత్వ ప‌రిశీలిస్తున్న‌ట్లు తెలుస్తోంది. స‌ద‌రు వ్య‌క్తి ఇక వాహ‌నం న‌డిపేందుకు అన‌ర్హుడ‌ని మాన‌సిక  వైద్యుడు సిఫార్సు ఆధారంగా నిర్ణ‌యం ఉండ‌నుంది. స‌మాజ భ‌ద్ర‌త కోసం కువైట్ మాన‌సిక ఆసుప‌త్రిల్లో చికిత్స పొందుతున్న ప్ర‌వాసీయుల‌ను బ‌హిష్క‌రించాలని లేదంటే అధికారులు కోరుతున్న చ‌ట్టాన్ని తానే రూపొందిస్తాన‌ని ఎంపీ బాద‌ర్ అలీ హుమైదీ ప్ర‌క‌టించిన వారం రోజులకే ప్ర‌భుత్వం ఆ దిశ‌గా అడుగులు వేస్తుండ‌టం గ‌మ‌నార్హం.