ఖతార్: ఖతార్ లోని భారత హెల్త్ కేర్ వర్కర్లకు ప్రాధాన్యతనిస్తూ, ఇండియన్ ఎంబసీ ప్రత్యేక ఆన్ లైన్ అపాయింట్మెంట్ విధానాన్ని ప్రారంభించింది.ఈ మేరకు ట్విట్టర్ ద్వారా ఇండియన్ ఎంబసీ ఓ ప్రకటన విడుదల చేసింది.హెల్త్ కేర్ సెక్టార్ సంబంధిత వ్యక్తులు ఎంబసీ వెబ్సైట్ ద్వారా పలు సేవలు పొందవచ్చనీ, వారికి ప్రత్యేక ప్రాధాన్యతనివ్వడం జరుగుతుందని ఎంబసీ వెల్లడించింది.తాము కోరుకున్న సమయంలో ప్రత్యేక ప్రాతిపదికన హెల్త్ కేర్ వర్కర్లకు ఇండియన్ ఎంబసీ అవకాశాలు కల్పిస్తుంది.పాస్ పోర్టు, పిసిసి మరియు ఇతర అటెస్టేషన్ సర్వీసులను హెల్త్ కేర్ వర్కర్ల కోసం ఎంబసీ ప్రత్యేక ఆన్ లైన్ అపాయింట్మెంట్ విధానం ద్వారా అందిస్తుంది.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)